Mewlon

Dall Kirkham teleskopioa Cassegrain sistema optikoetako bat da, ahur eliptikoa ispilu nagusi bezala du eta bigarrengoa ispilu esferiko ganbila. Mewlon teleskopioa kontzeptu berria da industrialki ekoitzia, Takahashiren goi mailako leuntze teknikarekin ispilu ez-esferikoak diren sistema optiko kopuru handiak lortzeko bertuteaz.

* Diseinuaren kontzeptua

Mewlon-210 nagusiki ikusmen-errendimenduan oinarritutako teleskopioa bezala diseinatua izan da, berau baita teleskopioaren oinarrizko funtzioa. Horregatik, sistema optiko hau begiz-erabileran hobeto moldatzen da hortzi-sakoneko astroargazkigintzan baino, non irudi gardena beharrezkoa da irudi-eremu zabalagoan, sistema optiko honek Newtonak bezain irudi onak eskein ditzake. Hori dela eta, esan daiteke teleskopio hau planetak eta ilargia behatzeko teleskopio aproposa dela. Horrela, Mewlon-210 teleskopioa oso trinko eta erabil erraza diseinatu da erabilera beharrak erraztuz.

* Errendimendua

Dall Kirkham teleskopioa aspaldidanik aski ezaguna da sistema optiko bikainatzat. Hala ere, nekez industrialki ekoitzia izan da azalera ahur eliptikotzat duen ispilu nagusia egiteko zailtasunarengatik. Fokatutako irudi-eremuaren erdigunea oso gardena da aberrazio optikorik gabekoa da Newton teleskopioan bezala. Irudi-eremuaren ertzetan ordea irudia zuzena da, ezaguna da ordea koma aberrazioa kopuru zehatz batean ikusgai gera daitekela.

Astroargazkigintzan, bereiziki ilargi eta planeten handiagotze handiko argazkietan, emaitza onak espero ditzakezu zure Mewlon-210arekin. Ohiko Cassegrain teleskopioarekin alderatuz, Dall Kirkham teleskopioaren muntatuketa eta optika lerrokatzea erraz egin daiteke ekoizpen prozesuan. Sistema optiko honek zehaztasun handiko teleskopioa denez, errendimendu iraunkorra manten dezake. Lehen aipatu bezala, oso gomendatua dago bereiziki ilargi eta planeten behaketetarako bere foku distantzia luzeak eta daukan bigarrengo ispilu esferiko ganbilaren bidez (ispilu paraboliko ganbila Cassegrain sisteman) hondiagotze maila altuak lor baititzake.

* Erabilera

Mewlon-aren erabilera oso erraza da. Hasteko, hodi optikoaren azpialdean dagoen ekuatore-armazoira egokitzeko plaka muntatu ekuatore-armazoian. Teleskopioaren bilatzailea hain trinko itsatsita dago hodira ezen hodia bilatzailearen bidez eutsi eta munta dezakezula.

Mewlon-210 Cassegrain erakoa denez, hodi optikoaren luzeera nabarmen motzagoa da irekidura eta foku distantzia berdineko Newton teleskopioarekin alderatuz. Gainera, oso trinkoa eta arina da, horrek ekuatore-armazoi txikiagoa erabiltzeko aukera ematen du. Horrela sistema osoa erabil errazagoa bihurtzen da.

Ardatz optikoaren zuzentzea, bigarrengo ispiluan dauden hiru torlojuren bidez egin daiteke. Behin zuzendutakoan, ardatz optikoa erabat finkatuta geratzen da okertzeko arriskurik gabe hodi optikoak golpe bortitza jasan ezean.

Fokua ispilu nagusia mugitzearen metodoarenkin lortzen da, foku botoia ordulariaren orratzen zentzuan edo aurkako zentzuan biratuz. Sistema honek fokua zure hatzekin erraz lortzen utziko dizu kamera teleskopioan ipinita dagoelarik, kameraren pisuak inolako eragozpenik ezarri gabe.               

Takahashi Seisakusho Ltdren produktuaren gidaliburutik (1993)